الاثنين، 28 مايو 2012

وصفات برنامج لالة مولاتي ليوم28/5/2012


بسم الله الرحمان الرحيم
اللهم صلى على سيدنا محمد وعلى اله وصحبه اجمعين
وصفات ميد راديو ليوم 28/05/2012
شهيوات لالة مولاتى
شرائح الدجاج بالصلصة البيضاء
شرائح الدجاج على شكل ستيك + 2 معالق ك موتارد
2 معالق ك صلصة الصوجا + 2 ضروس الثوم
عصير حامضة + ملح + ابزار + معلقة ك سكنجبير طرى محكوك
زيت + طحين +شابيلر + 2 بيضات
شرائح الستيك ترقد فى مع كل العناصر ليلة كاملة وتعمل فى الثلاجة
من بعد تفند فى البيض ودقيق وشابلير وتقلى فى الزيت من الجهتين
حضرى الصلصة البيضاء المرافقة
معلقة ك الزبدة + كاس الحليب + معلقة ك النشا
علبة الفطر + ثوم او كوزة + ملح + ابزار
فى مقلاة شحرى الفطر مع الزبدة
خلطى النشا مع الحليب وحركى تبلى بالملح والابزار
وثوم وتضيفيهم للفطر وحركى مزيان حتى تعقاد
طورطة بكريم باتيسرى
العجين المرمل
200 فورص + 100 غرام الزبدة لينة + بيضة
نصف خمارة + ملح + معلقة ك السنيدة
خلطى فورص مع الزبدة ترمل وضيفى البيضة وخمارة
والسنيدة تخلطى وممكن تضيفى ماء زهر باش تجمع
وتدلكى فى اتجاه واحد
تسرح وسط بلاستيكة بالمدلك وتخدى المول وتلبسيها ليه
وتكيها بالفورشيط وتعمل فى المجمد 5 دقايق عاد تدخليها
للفرن تحمر
كريم باتيسرى
3 بيضات + نصف لتر حليب + لفانى
كاس الا ربع الفورص + السنيدة
فوق كاسرونة على نار عملى الحليب يفيض مع فانى زوليه من فوق النار
فى اناء اخر خلطى فورص مع السنيدة و صفار 2 بيضات وبيضة كاملة
خلطى مزيان وتضاف للحليب تحرك وترجع لفوق النار حتى تعقاد
وتنسم حسب الرغبة
الانسمتيها بعصير الحامض زينها بالفواكه
والا نسمتيها بقهوة سريعة الدوبان تزين بالشكلاط
اعادة الوصفات مع ليلى ام ياسين
وصفة لترطيب اليدين
معلقة الحمص مطحون + معلقة الفول مطحون+ معلقة
دقيق الشعير وتخلط بحليب الكوك تعمل لليدين منين تنشف
كومى بزيت الكلسيرين او زيت العود
وصفة لازالة الكلف
حلبة مطحونة تجمع بصفر بيض بلدى او عسل حر او ماء ورد
وتعمل يوميا وفى الليل تمسحى وجهك بماء الخس
جل للشعر
كاس زريعة الكتان مع كاس الماء يغلى 15 دقيقة ويصفى
وتعمل فى قرعة زجاجية
20 ورقة الريحان مع كاس الماء بغلى 10 دقايق ويصفى وتضيفى
ليه معلقة ص من الكتيرة وخليه 4 ساعات حتى يولى جيل وضيفى ليه
خليط زريعة الكتان وقطرات من زيت الريحان او زيت البابونج الا كان
الشعر اشقر
وصفة للسهدة من وراء انقطاع الحيض
بكميات متساوية
النافع والزنجلان و السانوج و زريعة الكتان وحب رشاد

تغسل وتكرم وتطحن وتخلط
تاخدى معلقة ص كل صباح مع كاس الماء
الشهيوات
مربى البطاطا
كيلو البطاطا مصلوقة بقشورها من بعد تطحن وضيفى ليها
كيلو الا ربع السنيدة وبكية الشكلاط غبرة و 2 لفانى وتعمل
على نار مهيلة حتى تحصلى على مربى
حرشة
2 بيضات + 2 خمارات + ياغورت وحك ياغورت عبرى بيه
حك السنيدة وحك الزيت و شوية النافع ونصف كيلو فينو
وتجمع بنصف كاس الماء خليها ترتاح شوية وتكور وتفند فى السميدة
رقيقة
وممكن تعملى السميدة رقيقة فى الخليط وتفند فى السميدة الغليضة
تطيب من التحت حتى تشقق وتطيب من الفوق 



وصفات المستمعات ليوم 28/05/2012
هبة من الدار البيضاء
كيكة بمايونيز
2 بيضات + نصف خمارة + كاس العنبة الزيت
كاس ع الحليب + زلافة السنيدة + زلافة فورص
معلقة ك مايزينا تخلط مع لتر حليب
تخلط مقادير الكيك وتعمل فى المول ودخليها للفرن تطيب
منين تطيب تقسم على 2
الحليب تغليه مع معلقة مايزينا وتدهنى بيه النصف الاول
وتعملى النصف التانى وزينى حسب الرغبة
كيك بكاكاو
2 بيضات + كاس عنبة الزيت + كاس ع السنيدة
2 خمارات + ياغورت النصف دياله تخلط مع العناصر
والنصف الاخر تخلطيه مع كاكاو وكاس الماء وتضاف للخليط
وتعمل فى مول تطيب تسقى بسيرو الحامض او الليمون
وتزين بالفواكه
كيك خفيف
3 بيضات صفر البيض تخلط مع كاس دانون و كاس ونصف
الزيت و 2 كيسان ونصف السنيدة وتنسم بفانى ديال الليمون
او قشور الليمون وملح و 3 كيسان الطحين وخمارة
بياض البيض تطرب بحال الثلج وتضاف للخليط وتعمل فى مول تطيب
اسماء الجوهرى من سلا
غريبة بالفلان
180 غرام الزبدة عادية + 3 كيسان ص الزيت + 2 كيسان سكر كلاصى
2 خمارات + لفانى + حامضة محكوكة + بكية الفلان + ملح
3 معالق شكلاط فرمسيل
خلطى الزبدة وفانى والزيت والفلان ودقيق والخميرة ضيفى الشكلاط فرمسيل
وتعمل كويرات تطيب من التحت عاد تطيب من الفوق
مسمنة فى الفرن
نصف كيلو فورص + رابعة فينو حرش + ملح + خمارة
شوية خميرة معجونة
10 دارهم بودرة اللوز + الزبدة مدوبة السنيدة
تجمع مقادير العجين وتعمل منه كويرات صغار وخليهم يرتاحو
سرحى الكويرة 1 رشى الزبدة واللوز والسنيدة وتجمع مربع
وتسرحى كويرة اخرى وتعملى ليها نفس الطريقة وتعملى وحدة
فى قلب وحدة حتى تكملى تكرص شوية وتدهن بالبيض ورشى السنيدة
وتدخل للفرن تطيب 



وصفات لجمالك مع جلونة ليوم 29/05/2012
وصفة لتقوية الشعر ومنع التساقط
ضركة تفتحيها من الوسط تعملى وسطها الحلبة حبوب وتعمليها
فوق فوطة وخليها تكرم وتبقاى ترشيها بالماء خليها من 2 حتى 3
ايام
تاخدى داك الهلام ديال الضركة والحلبة وقرعة زيت الكوكو وبصلة
مصلوقة تخلط و تعمل فى قريعات
منين تبغى تمشى للحمام تشقى بيه الشعر وتخليه 2 ساعات عاد غسلى
وصفة كتنبت الشعر وما كيبقاش الشعر جاف
2 كيسان الماء فى كاسرونة مع 3 ضرووس الثوم ومعلقة الحلبة
وبصلة مقطعة على 4 الكل يغلى حتى يولى لونه اصفر زوليه من
فوق العافية وخليه يرتاح وضيفى ليه 2 معالق صدر مطحون و2 معالق
زيت الخروع و 2 معالق زيت العود وخلطى الكل يرتاح وتعمل
حبوب التخفيف بالاعشاب
نفس المقياس ديال كل المقادير
كمون + سكنجبير + قرفة + قرنفل + قشور الرمان + الشاى الاخضر
سالمية يابسة
الكل يتطحن وتعجن بعصير الحامض وخل التفاح تعمل كويرات صغار
وتعمل فى بلاطو وتعمل فى المجمد ومن بعد تعمل فى قرعة معقمة
وتعمل فى الثلاجة
تاخدى حبة بعد الاكل مع كاس الماء او كاس شاى سخون بلا سكر
وصفة لمعالجة الكلف والنمش واثار الحبوب
ماء ديال فجل احمر بكميات متساوية مع عصير الحامض وزيت اللوز حلو
تخلط وتعمل فى قرعة مدة 48 ساعة عاد تستعمليها
غسلى الوجه ومسحيه من الاحسن بالورق النشاف وعملى الماسك نصف ساعة
وماتعرضيش للشمس او حرارة المطبخ وتغسل
وصفة اخرى للنمش والكلف
ربطة المعدنوس بجدور دياله تغلى فى كاس الماء ص وتمسحى بيه 3 مرات
فى اليوم و فى الليل تمسحى بيه وتباتى بيه حتى للصباح
وصفة لازالة النمش والكلف
نصف كاس ص ماء البصلة و 2 معالق خل التفاح تخلط وتمسحى بيه
الوجه يوميا
وصفة للبشرة الجافة واللى كتقشر
نصف لافوكا تخلط مع معلقة ك العسل الحر وتعمل للوجه 20 دقيقة
وتسترخى وتغسل بماء الورد
2 مرات فى الاسبوع
وصفة للصفورية ديال الوجه
3 معالق كمون تغلى فى 2 كيسان الماء صفيه وتغسلى بيه الوجه
بعد 2 اسابيع ما كتبقاش الصفورية
وصفة لازالة سواد الرقبة
بابونج غليه فى الما وخدى 2 معالق من داك الماء تخلط مع العسل الحر
وتدهنى العنق بالليل وفى الصباح غسلى
تبريمة ديال عام
الشعير + الخرطال + عدس + اللوبيا + فول + حمص
حلبة حايلة + حنة مدقوقة + روز + كلخ + زبد البحر
ورد بلدى + قشور الليمون + قشور الحامض + خزامى
حبات اللوز + زنجلان + الزوان
الكل تطحن وتغربل وتضيفى ليهم العكر فاسى وزعفران الحر
ورابعة الحليب غبرة وعاودى غربيهم وتعمل فى قريعات
وتعمل فى فريكو
منين تبغى تستعمليهم تاخدى قريعة وتخلط بماء الورد او ياغورت
او الحليب او العسل ودهنيها للجسم وخليها تنشف وتحك غير
باليد وتعمل 7 ايام عاد تمشى للحمام
تدى معاك حنة وشبة و كلخ و صابون بلدى تخلطيهم وتدهنى بيهم الجسم
تخليهم شوية وشللى وحكى
حبوب الضهر
حنة تخلط مع هلام الصبار و 2 معالق الخل التفاح تحصلى على سائل
ودهنى بيه الضهر وباتى بيه
3ايام كتبان ليك النتيجة








مليكة ام سارة
بسطيلة بالحوت

نصف كيلو الكروفيت + رابعة الكلمار
كيلو الحوت ابيض
علبة ك الشعرية الصينية
علبة الفطر و علبة اخرى ديال فطر اسود
زيتون مقطع و معلقة الهريسة
معلقة ابزار + معلقة سكنجبير + معلقة ص الصوجا
2 ضروس الثوم + كاس الاربع عصير الحامض
ورقة سيدنا موسى + 4 معالق الربيع مفروم
فلفلة خضراء وحمراء + 2 ضامة بنة الحوت
كاس الاربع مخلط بين الزيت الرومية والبلدية
الفرماج اختيارى
الحوت ابيض كبى عليه ماء طايب وعملى ورقة سيدنا موسى
الكلمار يرقد فى زلافة الحليب
الكروفيت تغسل وتنقى
قشور الكروفيت تصلق وداك الما صلقى فيه الشعرية الصينية
ثومة تدق مع شوية ملح و ضامة البنة
العطرية تخلط فى طبسيل
تشحرى الكروفيت مع معلقة الزيت ورشى شوية من العطرية
وشوية من خليط الثوم زوليه
شحرى كلمار بعد ماصفتيه مع شوية العطرية و خليط الثوم
زوليه وشحرى الفلفلة مقطعة تشحر ضيفى ليها الفطر والفطر
الاسود اللى كبتى عليه الماء طايب وصفيتيه وضيفى العطرية
وخليط الثوم وخلى الكل يتشحر صفى الشعرية الصينية وضيفيها
خلطى الكل فى بانيو وضيفى الحامض وخلطى مزيان وضيفى
الهريسة والصوجا والمعدنوس
خلطى الزبدة والزيت باش تدهنى
تاخدى 1/2 كيلو الورقة
تسرحى 2 ورقات وتدهنيهم بالزبدة والزيت وتعملى تفريشة من
الخليط وفرماج ساندويش عاد عملى تفريشة اخرى وتجمع البسطيلة
وتدهن بالزبدة وتدخل للفرن
وتزيت حسب الرغبة

ليست هناك تعليقات:

إرسال تعليق

إجمالي مرات مشاهدة الصفحة